wuff wuff an caro, edi u leona
ich bins, lenny (lennigan). ich bi scho 4 wuche im aargau, uiii die ziit lauft ja wie verruckt.... ich ha zwar nid so super gässe am afang, bi aber immer fit u munter, vorallem beides zäme u ha gern vollgas. ich schloffe dafür 9-10std znacht, uiiii da hend die beide grosse lüüt de freud:).
vo afang a hend mi ali gliebt u ali lüt meinid, i sig es bärli. bi halt e chline u wuschlige uf vier bei:). also am liebste wöri immer überall here mit, überall uf de schoss sitze u kuschle, i probieres de ganz tag chli, aber amigs muesi au ellei im bettli go schloffe, mini morge- mittag- u obig-rueh ihhalte. i bin extrem e gleehrige heissts, gsehni einisch öpis, weissis sofort (au das woni nid set mache - maches aber trotzdem:) . und i ha sehr freud ade stella, eusem busi, i döf sogar de kopf u ohre schläcke, muess aber schön fiin sii.
und s coolste findid ali rundume: ich bi de gebohrene velofahrer - im korb! de siitewage-fahrer im hunderucksack und sogar ufem grosse töff simmer zu dritt ufem usflug - de schloffi zwar immer i, aber hauptsach i cha mit. i cha go wandere, natürli im hunderucksack, fahre bähndli, fahre super auto, dh schloffe au immer i, und i ha vor nüt angst. bini unsicher, luegis lang a u de gots wiiiter uf entdeckigstour. i cha imfall schön lauffe ade leine, weni wot. aber au schnell renne, weni ke lust ha zum üebe:)
i zaubere de ganz tag veli lacher ufd gsichter, bin eifach e ufgstellte und lustige zwergpudel. bim tierarzt hendsmi grad welle bhalte, i sig de e schöne! mis fraueli het de gseit, das settmer nid immer säge, sust wird er no iibeldet:) i weiss jo gar nid was da heisst. hend aber ali glachet.
veli veli wuffigi grüess, lenny de coolsti töff fahrer wiit u breit
und en mega dank ad caro u family, ihr hend so e tolls umfeld für eui 4beiner gschaffe, so liebi hünd mit hammer welpe, wo ihr abgehnd. mir wüssid, wevel arbet u herzbluet ihr da drigehnd.
vele vele dank, dass mir so en tolle hund becho hend.
liebi grüess, petra u manuel mit lenny u stella